إختيار

 كي تختار ناسك القراب أختار ناس تنجم تحبك و انت طافي أختار ناس تحبك خاطرك انت أولا و خاطر شخصيتك و مبعد على خاطر إنجازاتك و شنوا تنجم تعمل. الناس الكل تحبك و انت فرحان و تضحك الناس الكل باش تحب تتقربلك و انت ناجح و محلاك. أما في اللحظات الي يكون فيها لونك grey و انت à peine منجم تعطي الثقة في روحك هات شكون باش مازال يحب يعدي الوقت معاك،يسمعك تخرنن في نفس الموضوع ألف مرة، يسمع أفكارك الخايبة و ال insecurities متاعك ما غير ما تتهز تصويرتك و إلا بلاصتك عندو. ال comfort zone مش ديما خايبة و الناس المضمونة في حياتك حاجة مزيانة و تقويك...انك يكون عندك space ما تستحقش فيه انك تعجب، ولا يلزمك تكون مسؤول، والا تعطي تصويرة باهية نعمة. انت باش تاقف و باش تقدم و باش تكون أحسن و كيما نجحت مرة باش تنجح اثنين و ثلاثة و أربعة و مليار مرة و الشعور متاع انك في الضو باش تحسو برشا مرات و باش توصل للي في مخك...أما زادة شعور انك في الظلام،طافي، ماكش قاعد تقدم باش يعرضك في حياتك. وقتها، خلي ناسك القراب قراب 💙