دمعة وابتسامة

 نشوفك من بعيد في وسط الناس ماكش فاهمة شي .. نرا فيك مختلفة عليهم .. في كلامك في طريقة فهمك للحياة حتى في تفاصيلك مش كيفهم .. يمشي بيك الإحساس لبلاصة بعيدة تتمنى تكون فيها وحدك بعيدة عالكوكب هذا اللي مليء بالكذب و النفاق ، تسرح بخيالك لحاجات تتمنى تعيشهم ، تتمنى فيها فرحة كبيرة تدخل لحياتك و تحسنلك مزاجك اللي هالأيامات متقلّب ، ساعات تحس روحك مخنوقة و ساعات تحس روحك مرتاحة أما في أغلب الوقت تحس روحك غريبة عالناس هاذوما الكل ، ترا فيهم الكل دايرين بيك أما حد ماهو معاك ، حد ماهو مشاركك تفاصيلك ، حتى تفاهاتك اللي تحب تعيشهم يضحكو عليك فيها ، يقولولك أرزن ، عندك ناس دايرين بيك أما مش معاك في طموحاتك و أحاسيسك .. إقناع صحابك ليك انو حياتنا خايبة و حياتك فاشلة و هاذيكا الدنيا أقوى من رغبتك إنك تعيش حياتك كيما تحب .. تتمنى تدخل في حلمة تبعد بيها عالناس هاذوما الكل اللي سببولك برشا شعور بالوحدة و هوما السبب الرئيسي في تعاستك خاترهم ديما يقنعو فيك انو حياتك باش تبقى كيف ما هي و يربطو فيك بقيود من نوع لازمك تبقى كيف ما انتي و أرزن و يزي بالتفاهة متاعك .. محتاجة إنو أحلامك تعيشهم و تردهم حقيقة ، محتاجة ناس يفهموك من داخل انتي شنوا مش ناس يتظاهرو إنهم فاهمينك و حاسين بيك و وقت اللي تحس روحك وحدك الكل يجبدو رواحهم .. عدم قدرتهم على العيش في هذه الحياة مش معنتها الدنيا هاذي خايبة ، معنتها هوما ما يعرفوش كيفاش يعيشو .. ما تخلي حد يقتل الطفل الصغير اللي فيك من داخل .. ورّي لروحك إنك ماكش محتاج لحد باش يقلك هاني معاك و أصنع عالم خاص بيك انتي تعيش بيه الفرحة ، خلي يقولو مهبول و خلي يقولو عليك برشا كلام خايب .. يكفي إنك تفرح في حياتك و كانك على كلامهم عليك ، فقط يحكيو عليك خاترهم ينجموش يكونو كيفك .. 

تخلي حد ينحيلك ضحكتك من وجهك .. ❤ ❤

{ادم{