إنت طبيبها
ساعات كي تعمل لانسان كاس قهوة يقلك عيشك، ربي يخليك ليا♥️،وانسان اخر يقلك علاش ناقصة سكر؟ فما شكون كي تهديلو منڨالة يقلك "عيشك لي تفكرتني❤️" و فما شكون اخر يقلك "عندي ماخير منها ب برشا"، فما شكون في كل مشكل يقلك "عمري لا ريت نهار حلو معااك" وفما شكون يقلك:"مشكلتنا لازم تتفضّ خاطر الحلو لي عشتو معااك"♥️
الناس زوز انواع
نوع عينها ترا الحاجات الحلوة لي تصير في كل موقف و يقدرو الظروف، تلقى روحك تحاول ديما تخليه فرحان ولو تلقى تهديلو نجمة م السماء و تحس روحك ديما مقصر معااه.
و النوع لاخر لي لوكان تشعل صوابعك شمع ديما يراك مقصر و عينيه ما ترا كان الحاجات الخايبة فتلقى روحك معادش عينك حتى باش تراه..
"اغلب الصفات الباهية فينا ما عندهاش اهمية ب قدر انو انسان يتعاشر و كي تتعامل معااه تحس ب راحة كبيرة❤️"
Commentaires
Enregistrer un commentaire